Bashkimi ka arritur të shënojë fitore jo edhe aq të lehtë në Gjilan ndaj Dritës 84-91. Për prizrenasit kanë shkëlqyer dyshja Kejuan Johnson dhe Rokas Uzas.

Bashkimi ka arritur të shënojë fitoren e 11-të në BKT Superligë duke e mposhtur Dritën në Gjilan, 84-91.

Gjilanasit të udhëhequr nga amerikanët Craig Blackmon dhe Obinna Agomo kanë filluar ndeshjen për mrekulli duke shënuar pothuajse nga çdo anë, të cilëve i ndihmoi mjaft edhe Driton Sylejmani.

Fillimi i çerekut të dytë u solli gjilanasve epërsi mbi 10 pikësh, por një ofanzivë luftarake e prizrenasve me lojë ekipore ku u dallua Mark Daëson, bëri që ekipi i Muharem Vugdalicit të kalojë në epërsi në fund të çerekut të dytë me vetëm një pikë.

Pjesa e dytë kaloi në shenjë të Rokas Uzasit dhe Kejuan Johnsonit, të cilët përkundër se Drita i përcjellte mjaft mirë, asnjëherë nuk u dekoncentruan dhe vazhduan ta mbajnë epërsinë që në fund të ndeshjes rezultoi të jetë në semafor me 84-91.