Në Kuvendin Vjetor të mbajtur sot në Prishtinë Federata Bjeshktare-Alpiniste e Kosovës ka shpalluar bjeshkatarët më të mirë të vitit si dhe ka shpërndarë mirënjohje për më meritorët.

Islam Lama nga Gjakova është shpallur bjeshkatar i vitit 2012 sot nga Federata Bjeshkatare-Alpiniste e Kosovës (FBAK) në Kuvendin Vjetor të saj.

Lama anëtar i SHBA Pashtriku, ka marrë këtë epitet, për arritjet më të mëdha në mbarë komunitetin bjeshkatar kosovar gjatë vitit të kaluar.

FBAK gjithashtu ka emëruar si anëtarë nderi të saj ekipazhin nga Shqipëria, që arriti të ngjitet në majen e botës, Mont Everest. Ndërsa si shoqatë më aktive e vitit ka shpallur Shoqatën Bjeshktare-Alpiniste Sharri nga Prizreni.

FBAK është njëra ndër Federatat e pakta kosovare të pranuara me të drejta të plota në gjirin ndërkombëtar.

ÇMIMET:

Islam Lama

Bjeshkatar i vitit

Zejgjone Qarri

Bjeshkatare e vitit

SHB Sharri

Shoqëria më aktive e vitit

Mateo Begeja, Erlin Rudho, Gert Pishtari, Fation Plaku, Gjergj Bojaxhi dhe Xhimi Begeja

Anëtarë nderi, ekipazhi nga Shqipëria që pushtoi Mont Everstin.