Drenica e përforcuar shumë, ka arritur që të mposht fituesen në fuqi të Kupës së Kosovës, Trepçën 89 2-0. Trepça ka mposhtur Dritën 1-0.

Drenica e stërpërforcuar gjatë afatit kalimtar dimëror ka arritur që të eliminojë mbrojtësen e Kupës së Kosovës, Trepça 89.

Drenicakët kanë mposhtur 2-0 Trepçën 89 në stadiumin Bajram Aliu të Skenderajt.

Golashënues për kuqezinjët kanë qenë Lorik Maxhuni dhe super Berat Hyseni, që po vazhdon me formën e tij të mrekullueshme.

Trepça kalon Dritën

Në ndeshjen tjetër të zhvilluar në Mitrovicë, Trepça ka arritur të mposht Dritën e Gjilanit 1-0. Golin e vetëm që ia hapi dyert mitrovicasve për çerekfinale e shënoi Xhevdet Mulliqi.

Trepça për shkak të punimeve në stadiumin e tyre Adem Jashari, ndeshjet tash e tutje do t’i zhvillojë në stadiumin tjetër mitrovicas, Riza Lushta.

KUPA E KOSOVËS, 1/8 E FINALES
Drenica - Trepça 89	2-0	Maxhuni 1' dhe Hyseni 21'
Trepça - Drita	1-0	Mulliqi 31'
Hajvalia - Kosova Vushtrri	1-1	5-2, pas penalltive
Hysi - Besa	2-2	3-2, pas vazhdimeve
Ferronikeli - Prishtina	1-1	1-2, pas vazhdimeve
Fushë Kosova - Vëllaznimi	2-2	6-5, pas penalltive
Ferizaji - Ulpiana	luhet me 10 mars
Istogu - Liria	1-0	Ndeshja e zhvilluar dje