Sadiku shpëton Luganon

Sulmuesi shqiptar, Armando Sadiku, ka shënuar golin e vetëm dhe të fitores së ekipit të tij Lugano në udhëtim ndaj Biel-Biennes.

3 Mars, 2013 @18:06

E plotësuar:
9 Mars, 2013 @23:18

SHPËRNDAJ

Sulmuesi i ri shqiptar, Armando Sadiku i ka sjellë tre pikë shumë të rëndësishme ekipit të tij, Lugano, sot.

Sadiku 21 vjeçar ka shënuar golin e vetëm të ekipit të tij në minutën e 16-të të ndeshjes në stadiumin Maladiere të Biel-Biennes nga Neuchateli, që i ka sjellë fitoren dhe tre pikë Luganos.

Me këtë fitore Lugano ka dalë prej vendit të tetë në vendin e gjashtë të Challenge League (liga e dytë profesionale zvicerane) duke i barazuar pikët me kundërshtarin e sotshëm në 27 sosh.

Goli i shënuar sot nga lojtari i përfaqësueses shqiptare ka qenë goli i tij i 13-të në Challenge Leauge në fanellë të Luganos.