Skuadrat spanjolle Real Madrid dhe Regal Barcelona, po shkëlqejnë në TOP 16-shin e Euroleague-së. Madridi e mposhti kundërshtarin Brose Baskets në frymën e fundit, gjithashtu edhe Barcelona e mposhti Khimkin me rezultat të ngushtë 71-69.

Fitorja e tetë e Real Madridit nuk erdhi aq lehtë kundër Brose Basketsit. Arsyeja kryesore, ishte mos kontribuimi i lojtarit me përvojë nga NBA, Rudy Fernandez. Spanjolli Fernandez luajti me nëntë pikë, ku pikët e para i shënoi në fund të çerekut të tretë. Megjithatë, skuadra gjermane Brose Baskets, arriti ta barazojë rezultatin në minutat e fundit.

Por, madrilenët e kishin edhe një sulm në fund dhe heroi i mbrëmjes u bë Dontaye Darper, i cili ia mundësoi fitoren e skuadrës me një tresh, ku përfundoi ndeshja me rezultat 76-73 në favor të Los Blancosëve.

Tek vendasit koshashënuesi më i mirë ishte Jaycee Carroll, i cili luajti me 11 pikë. Kjo ishte fitorja e tetë e Madridit në Grupin E dhe kanë vetëm një humbje.

Barca me vështërsi, por fitoi

Regal Barcelona e mposhti Khimkin me rezultat të ngusht 71-69. Më i miri në ndeshje ishte super ylli Juan Carlos Navarro, i cili luajti me 19 pikë e 4 asistime. Sikurse Real Madridi, edhe Barcelona e regjistroi fitoren e tetë dhe kanë vetëm një humbje në Grupin F.

REZULTATET E TAKIMEVE

Real Madrid - Brose Baskets

Regal Barcelona - Khimki

Caja Laboral - Maccabi Electra

Montepaschi - Fenerbahce Ulker

Besiktas JK - Olympiacos